Os camiños a Compostela son como ríos de xentes a onde van parar os
afluentes das diferentes culturas, tradicións e linguas dos mais diversos países.
Ríos que regan e fertilizan as terras por onde pasan facendo florecer igrexas,
albergues, pousadas, hospitais e cruceiros que son hoxe o noso orgullo.
Un rico
patrimonio material comparable a infinidade de historias, lendas e romances que
os camiñantes nos trouxeron e que circularon de boca en boca durante séculos,
transformándose cada vez que eran contados.
As historias que acompañaran a actividade teñen polo tanto orixes diversas,
unhas veñen de Portugal, outras de Italia, de Francia ou do afastado oriente.
Todas son universais e a todas engadírá Inacio o acento local.
A actividade ‘Contamos e recollemos contos nados no Camiño’ consiste nunha
saída de escolares dos centros de ensino seleccionados, para percorrer un tramo
do Camiño representativo do fito Xacobeo e preto do seu lugar de residencia. hoxe percorrimos o tramo que vai dende a nosa vila ata o concello de Miño.
Durante o percorrido, Inacio Vilariño, coñecido e recoñecido contador, foi quen
referiu aos cativos e cativas os ‘contos nados no Camiño’. A andaina serviu para
que os escolares repararan no grande valor natural dos Camiños Xacobeos: a
fauna, a flora, a orografía, a toponimia...formaron parte da camiñada. Sen
esquecer, a importancia de coidar e conservar este extraordinario ben cultural.
Esta actividade pretende tamén implicar aos cativos e ás cativas, converténdoos en
contadores e contadoras , daquelas narracións e contos que poidan coñecer os
seus familiares, que existan nos Concellos nos que habitan, ou que elas e eles
creen a partir da saída programada.
Ollade que ben o pasamos!!!
Moitas grazas a tod@s, monitores, gardas municipais , que fixeron desta mañá unha xornade inesqueciblee ao alumnado de sexto pola súa atención e bo comportamento.
